हम ढोलक छी सदिखन बजिते रहलहुँ
नहि सुनलक कियो बात पिबिते रहलहुँ
हमर मोनक बात मोने में रहिगेल बंद
कहब कोना जीबन भरि सोचिते रहलहुँ
जएकर छल आस ओ सभ तँ छोरि देलक
अनचिन्हार सँ ससिनेह भेटिते रहलहुँ
चीरो क' करेजा देखाएब तँ पतियाएत केँ
अपन टूटल करेज केँ जोडिते रहलहुँ
बुझाएब कोना मोन केँ शराबो भेल महग
आँखि निहारि मनु आब तँ तकिते रहलहुँ
(सरल वार्णिक बहर, वर्ण-१७)
जगदानन्द झा 'मनु'
कोई टिप्पणी नहीं:
एक टिप्पणी भेजें