सिहरी गेल मोन

सिहरी गेल मोन,
चौंकि गेलहूँ हम,
चेहा उठल स्मृति,
मेज पर राखल टेबुललैंप,
बेजान सन,
भुकभुकाईत रहल,
आ हम,
एही भुकभुकी में,
ताकि लेलहूँ,
अपन जिनगी,
आ जिनगीक सब रंग के,
अबधाईर लेलहूँ,
हमहूँ आब मशीन जकाँ,
स्विच स’ ओन आ ऑफ,
होइत रहैत छी,
जखन तखन,

बीती जो रे जिनगी,
नहीं अछि सहाज,
आब बस ......
  

गजल

कत्ते सोहाओन राति छै आयल,

सुख , सपना सब संगे लायल ....

कोना ने कियो मस्त भ’ झहरत,

नैन आहाँके अछि कजरायल,...

नैन करय नेह केर सिंचन,

ठोरक भाफ में सब उस्नायल,....

आगुक रूप के कोना हम बाजू,

बस पर्वत छै जेना समाओल,.....

‘गुंजन’ के दिन छिनी-झपटिक’

भाग्यो छैथ अहींक संग लागल,....

भगवान आहाँ हमर प्रणकेँ लाज राखि लेब

किछु दिन भेल,
दिल्लीसँ पटना लौटैत रही,

गुंजन श्री 

मोनहीं मोन एकटा बात सोचैत रही,

ताबेत एकता अर्धनग्न बच्चा सोझामे आयल,

आ कोरामे अपनोसँ छोटके लेने,

चट्ट द’ सोझामे औंघरायल,

हम सोचिते रही  जे आब की करी  ,

बच्चा बाजल,-

सैहेब अहाँ की सोचि रहल छी  ?

हम त’ आब अपनों सोचनाय छोड़ि देने छी ,

जौ मोन हुए त दान करू,

हमरा हालैतीपर सोच क’ नै हमर अपमान करू,

बात सुनि ओकर, 
अपन जेबीमे हाथ देलहुं,

आ ओकर तरहत्थीपर किछु पाइ गाइन देलहुं,

डेरा पहूँची क’ सोचलहूँ की हम ई नीक केलहुं,

या एकटा निरीह नेन्नाकेँ भिखमंगीकेँ रास्ता पर आगू बढ़ा देलहुं,

प्रण केलहूँ अछि जे आब ककरो भीख नहि  देब,

भगवान आहाँ हमर प्रणकेँ लाज राखि लेब,

जा हम त अपने भीख माँगि रहल छी भगवान सँ,

जो रे भिखमंगा,....छिह.......

गजल

सिह्कैत हवा पर सिसकैत अछि मोन

हम छी पाथर, आ ओ पाथर,से भेल सोन

कनैत रही छी असगर एकात बैसल

हँसब से ऐहन बाते अछि बचल कोन

चली गेल ओ संग लs मुइर-सुईद सब

देलहुं हम जकरा अपन स्नेहक लोन

खोले चाहै छी रंग-रभसक बात सब

मुदा कोना खोलियैक, मोने भेल अछि मौन

'गुंजन' छै लोढ़ैत,गजल बहार बैसल

आहां रहू अहिना ऐकात, कानि करू होम, 

गुंजन श्री