भगवान आहाँ हमर प्रणकेँ लाज राखि लेब

किछु दिन भेल,
दिल्लीसँ पटना लौटैत रही,

गुंजन श्री 

मोनहीं मोन एकटा बात सोचैत रही,

ताबेत एकता अर्धनग्न बच्चा सोझामे आयल,

आ कोरामे अपनोसँ छोटके लेने,

चट्ट द’ सोझामे औंघरायल,

हम सोचिते रही  जे आब की करी  ,

बच्चा बाजल,-

सैहेब अहाँ की सोचि रहल छी  ?

हम त’ आब अपनों सोचनाय छोड़ि देने छी ,

जौ मोन हुए त दान करू,

हमरा हालैतीपर सोच क’ नै हमर अपमान करू,

बात सुनि ओकर, 
अपन जेबीमे हाथ देलहुं,

आ ओकर तरहत्थीपर किछु पाइ गाइन देलहुं,

डेरा पहूँची क’ सोचलहूँ की हम ई नीक केलहुं,

या एकटा निरीह नेन्नाकेँ भिखमंगीकेँ रास्ता पर आगू बढ़ा देलहुं,

प्रण केलहूँ अछि जे आब ककरो भीख नहि  देब,

भगवान आहाँ हमर प्रणकेँ लाज राखि लेब,

जा हम त अपने भीख माँगि रहल छी भगवान सँ,

जो रे भिखमंगा,....छिह.......