उठलै करेजामे दरदिया हो राम
भेलै पिया जुल्मी बहरिया हो राम
कुक कोइली कें सुनि हिया सिहरल हमर
आँखिसँ बहे नोरक टघरिया हो राम
साउन बितल जाए, सुहावन मन सुखल
एलै पिया कें नै कहरिया हो राम
जरलै हमर जीवन बिना स्नेहक आगि
लागल हमर सुख में वदरिया हो राम
जीवन हमर बनलै बिना तेलक बाति
कोना जरत मोनक बिजुरिया हो राम
(दीर्घ-दीर्घ-ह्रस्व-दीर्घ+ दीर्घ-दीर्घ-ह्रस्व-दीर्घ+ दीर्घ-दीर्घ-दीर्घ-ह्रस्व,
बहरे सरीअ)
जगदानन्द झा 'मनु'
कोई टिप्पणी नहीं:
एक टिप्पणी भेजें