{ गजल }

देह मे सटलै जखन देह सिहरि गेलै देह ,
अंग-अंग फड़क= लागलैए लसरि गेलै देह ,

एकाएक बसंतक हमला भेलै मौसम पर ,
नव पात भरल गाछ जेकाँ मजरि गेलै देह

जेना आलसी मनुष्य लेल समय नै ठहरै छै ,
ओहिना कँप-कँपा क= क्षण मे ससरि गेलै देह ,

साँस मे तेजी ,खूनक प्रवाह बढ़ि गेलै पल मे ,
लड़ाइ मे ज्ञानी पुरूष जेकाँ सम्हरि गेलै देह ,

भाइ डर सँ नै खुशी सँ सिहरल देह बुझू ,
शनी कए प्रकोप हटल से उचरि गेलै, देह ,

पहिलुक बेर सिनेह मे एहने सन होइ छै ,
"अमित" वहशी लोक कए त= उजरि गेलै देह . . . । ।

अमित मिश्र