एखनो कोना कऽ छी नै जनेलहुँ हम
छोरि मनकेँ आन नै धन कमेलहुँ हम
सभक आनै लेल मुँहपर हँसी चललहुँ
अपनकेँ नै जानि कतए हरेलहुँ हम
हृदय खोखरलक हमर जे दुनू हाथसँ
ओकरो हँसि हँसि कऽ अप्पन बनेलहुँ हम
फूल सगरो छोरि काँटे किए बिछ्लहुँ
ई करेजा जानि कोना लगेलहुँ हम
‘मनु’ करेजा तोरि एना अहाँ जुनि हँसु
मग्न भय कहि गजल ताड़ी चढ़ेलहुँ हम
(बहरे कलीब, मात्रा क्रम-२१२२-२१२२-१२२२)
जगदानन्द झा ‘मनु’
कोई टिप्पणी नहीं:
एक टिप्पणी भेजें