रग्घू कनियाँ पीलियासँ ग्रस्त अंतिम अवस्थामे दिल्लीक
लोकनायक जयप्रकाश अस्पतालमे आइ दस दिनसँ भर्ती भेल जीवन आ मृत्युक बिच संघर्ष कए रहल छलथि
| पीलियाक अधिकता आ कोनो आन कारणे आँखिमे से
इन्फेक्सन भए गेलनि | लोकनायक
जयप्रकाश अस्पतालक
डाक्टर रग्घूसँ
कहलकनि जे कनियाँक आँखि लोकनायक जयप्रकाश अस्पतालक बगलेमे आँखिक अस्पताल गुरुनानक
आई हॉस्पिटल छैक ओहिठामसँ जाँच करा कए आनै लेल |
रग्घू
डाक्टरक बात मानि एहि काजमे लागि गेला |
लोकनायक आ गुरुनानक दुनू सरकारी अस्पताल
छैक तैं खर्चाक बात नहि मुदा रग्घूकेँ
बोनि मजुरी रहैन रोज कमाऊ
आ रोज खाऊ आ आइ दस दिनसँ अपन बोनि छोरि कनियाँ संगे एहि ठाम अस्पतालमे छथि | दस दिनसँ नव काज नै | जमा पूंजी खत्म | एखन तत्काल लोकनायकसँ गुरुनानक अस्पताल तक जाइमे
पन्द्रह रुपैया जइती आ पन्द्रह रुपैया आबिती, तिस रुपैया चाही | हुनका लग छलनि कुल दस रुपैया | ओहि दस रुपैयामे अपन किछु नास्ता भोजन सेहो, कनियाँकेँ तँ अस्पतालेमे भेट जाइ छलनि | ओइ ठामसँ काज करै लेल कतौ जेबों करता
ताकी पाइ होइन
तँ कम सँ कम दस रुपैया बस भारा
चाहीएन |
ई सभ समस्याकेँ जनैत रग्घूक कनियाँ रग्घूसँ कहलनि,
" फोन कए क' अपन भैयासँ दू सय रुपैया माँगि लिअ,
काइल्ह-परसु काज कएला बाद पाइ होएत तँ
दए देबैन |"
रग्घू अपन कनियाँकेँ कन्हापर उठा लोकनायकसँ गुरुनानक
अस्पतालकेँ लेल बिदा भए गेला आ चलैत-चलैत बजला, "अहाँ जुनि चिंता करु, रिक्सासँ नीक सबारी हमर पिठक होएत आ रहल ई मुसीबत तँ ई तँ चारि दिन बाद खत्म भए
जाएत मुदा केकरो उपकार सधबैमे पूरा जीवनों
कम परत |"
*****
जगदानन्द झा 'मनु'
क्या कहूँ अपने से अपने ही बारे में? इस प्रतियोगी युग में जीने के लिए लगातार कार्यरत एक जीवित-यंत्र, जिसे सामान्य भाषा में आदमी कहा जाता है और जो इसी आपाधापी से कुछ वक्त चुराकर अपने भोगे हुए यथार्थ की अनुभूतियों को समेट, शब्द-ब्रह्म की उपासना में विनम्रता से तल्लीन है - बस इतना ही। .jpg)
हमर संक्षिप्त परिचय नाम:-प्रभात राय भट्ट जन्म:-बि.स.२०३६/०४/१५ पिता:- श्री गंगेश्वर राय (शिक्षक)माता:-श्रीमती गायत्री देवी (समाज सेविका)पितामह :- स्वर्गीय गौरीशंकर राय जेष्ठ भ्राता:- श्री प्रकाश राय भट्ट अनुज :- प्रवीन राय भट्ट बोहीन:- आशा देवी राय पत्नी :- पूनम देवी राय जेष्ठ पुत्री :-स्वर्णिम राय भट्ट पुत्र :-सत्यम राय भट्ट पेशा:-नोकरी नेपाल प्रहरी ५ वर्ष, वर्तमान नोकरी साउदी अरब स्थित अमेरिकन दूतावास में आर्म्ड फ़ोर्स, हमर अभिरुचि अध्ययन आ लेखन खास कs मैथिली बहुत जायदा पसंद करैत छी : हर मिथिलावासी के पसंद पान, माखन, और माछ हमरो पसंद अछि तेह हमरो उदेश्य मिथिला के सम्मान करब
आर मैथिलि साहित्य में अनवरत रूपेण हम अपन योगदान दैत रही इ हमर संकल्प अछि,जय मिथिला जय मैथिलि !!!
