दुनिया जँ नै पुछलक तँ कोनो बात नहि
राखू मोन अहाँ इ तेहनो बात नहि
चिन्है सगर समाज आइ धनीकेकेँ
‘मनु’केँ जँ जाइ बिसरि एहनो बात नहि
✍🏻 जगदानन्द झा ‘मनु’
मंगलवार, 27 दिसंबर 2022
रविवार, 25 दिसंबर 2022
रुबाइ
जे जन्म देलन्हि ओ कहलन्हि गदहा
जे पोसलन्हि ओ मानलन्हि गदहा
गदहा जँका सगरो जिन्दगी बितेलहुँ
जिनका बियाहलहुँ ओ बुझलन्हि गदहा
✍🏻 जगदानन्द झा ‘मनु’
बुधवार, 21 दिसंबर 2022
रुबाइ
मुँह पर दरद आबि जेए ओ मरद नै
जे हर बहैत बसि जेए ओ बरद नै
जिम्मेदारी घरक ल गेल विदेशमे
केना ‘मनु’ बुझलक जेए ओ दरद नै
✍🏻 जगदानन्द झा ‘मनु’
बुधवार, 14 दिसंबर 2022
गजल
जखन सगरो दर्द भेटल
अपन सीलौं ठोर रेतल
द’बल अपने हाथ गरदनि
तखन के ई नोर मेटल
घरक बन्हन छोरि दुनिया
सटल जतए नोट गेटल
भरोसा करु आब कोना
लखन भेषे चोर फेटल
दहेजक ‘मनु’ चारिचक्का
बियाहक पहिनेसँ सेटल
(बहरे मजरिअ, मात्राक्रम 1222-2122)
जगदानन्द झा ‘मनु’
शनिवार, 10 दिसंबर 2022
हमरा तँ चिन्हते होएब ?
आइ भोरे भोर एकटा अजोध वयोवृद्ध मैथिली साहित्यकार, गीतकार सो कॉल ग़ज़लकारकेँ फ़ोन आएल- “ट्रीन ट्रीन ट्रीन….”
हम- “हेलो”
उम्हरसँ- “के ? मनु।”
हम– “जी”
उम्हरसँ खूब खिसीयाति- “ई की अहाँ सभ फ़ेसबुकपर उल्टासिधा लिखैत रहै छी ? एक दू, एक दू। हम सब तँ भरि ज़िंदगी घास छिललौं।”
हम – “अपने के ?”
उम्हरसँ- “हम सा रे गा मा, हमरा तँ चिन्हते होएब ?”
हम – “हाँ”
उम्हरसँ- “कतेक ?”
हम – “जतेक अहाँ हमरा चिन्है छी।”
की ओ झट फोन राखि देला।
✍🏻 जगदानन्द झा ‘मनु’
हम- “हेलो”
उम्हरसँ- “के ? मनु।”
हम– “जी”
उम्हरसँ खूब खिसीयाति- “ई की अहाँ सभ फ़ेसबुकपर उल्टासिधा लिखैत रहै छी ? एक दू, एक दू। हम सब तँ भरि ज़िंदगी घास छिललौं।”
हम – “अपने के ?”
उम्हरसँ- “हम सा रे गा मा, हमरा तँ चिन्हते होएब ?”
हम – “हाँ”
उम्हरसँ- “कतेक ?”
हम – “जतेक अहाँ हमरा चिन्है छी।”
की ओ झट फोन राखि देला।
✍🏻 जगदानन्द झा ‘मनु’
शुक्रवार, 9 दिसंबर 2022
गजल
जखन मोन कानल गजल कहलौं
रहल कोंढ़ छानल गजल कहलौं
जमाना सुतल छल जखन नींदसँ
तहन राति जानल गजल कहलौं
लगन भेल तीसम बरख धरि नहि
पड़ोसनसँ गानल गजल कहलौं
जुआ छल लदल कांहपर लोकक
पसीनासँ सानल गजल कहलौं
उमर ‘मनु’ बितल आर की करबै
अपन मोन ठानल गजल कहलौं
(मात्राक्रम सभ पाँतिमे 122-122-1222)
जगदानन्द झा ‘मनु’
गुरुवार, 8 दिसंबर 2022
रुबाइ
नैन्हेटा हाथमे केहन लकीड़ छै
नै माय बाप ई केहन तकदीर छै
धो धो कऽ ऐँठ कप लकीड़ो खीएलै
नै सुनलक कियो ई दुनियाँ बहीर छै
✍🏻 जगदानन्द झा ‘मनु’
सोमवार, 28 नवंबर 2022
रुबाइ
सगरो मैथिली साहित्य दहकैत अछि
नव नव विधाक आँच आइ पजरैत अछि
कोटी नमन जिनकर बिछल जारैन अछि
बारल आगि विदेहक 'मनु' लहकैत अछि
✍🏻 जगदानन्द झा ‘मनु’
शनिवार, 3 सितंबर 2022
सरकारी नौकरी
"गै दाई ! लाल कक्का, ई करीक्का वऽर कतएसँ लअ अनलनि ?"
"रहअ दहक ! सुनलह नै जे काम पियारा की चाम पियारा, ई करीक्का सरकारी नौकरी करै छै।"
✒ जगदानन्द झा 'मनु'
सदस्यता लें
संदेश (Atom)