नहि सिनेहक मोल मिसियो बुझलक हमर
लोक हँसि हँसि कय करेजा तजलक हमर
डोर साँसक जेकरा देलौं हाथमे
नहि हिया ओहो तँ संपति तकलक हमर
करु भरोसा आब कोना ककरोसँ हम
प्रिय छल जे मोनकेँ बड़ खुनलक हमर
मीत छल मोनक सगर जे सुखमे बनल
बुझि घड़ी दुख केर ओ नहि सुनलक हमर
देत अनकर दोष नहि ‘मनु’ कनिको हिया
एहने बिधना कपारे लिखलक हमर
(बहरे जदीद, मात्राक्रम 2122-2122-2212)
✍🏻 जगदानन्द झा ‘मनु’
कोई टिप्पणी नहीं:
एक टिप्पणी भेजें