गजल

हेतै खतम गुटबाज बेबस्था

बनतै सभक आवाज बेबस्था

भेलै बहुत चीरहरणक खेला

राखत निर्बलक लाज बेबस्था

देसक आँखिमे नोर नै रहतै

सजतै माथ बनि ताज बेबस्था

मिलतै सभक सुर ताल यौ ऐठाँ

एहन बनत ई साज बेबस्था

"ओम"क मोन कहि रहल छै सबकेँ

करतै आब किछु काज बेबस्था

दीर्घ-दीर्घ-दीर्घ-लघु, दीर्घ-दीर्घ-लघु-दीर्घ, दीर्घ-दीर्घ प्रत्येक पाँतिमे एक बेर।

२२२१-२२१२-२२

गजल

प्रेम कलशसँ अमृत अहाँ पीया तँ दिअ

मुइल जीवन फेरसँ हमर जीया तँ दिअ

काल्हि नै बाँचत शेष जीवन केर किछु

एकटा सुन्नर अपन सन धीया तँ दिअ

रहअ दिअ हमरा आब चाही प्राण नै

मैरतो  बेरीया अपन हीया तँ दिअ 

प्राण बिनु देहक हाल देखू आब नै

बाटपर ओगरने आँखिकेँ सीया तँ दिअ

जाइ छी ‘मनु’ पाछूसँ नै टोकब अहाँ

अपन हाथसँ काठी कनी दीया तँ दिअ

(बहरे हमीम, मात्रा क्रम- २१२२-२२१२-२२१२)

जगदानन्द झा ‘मनु’